Lily James ka tërhequr vëmendjen me një paraqitje elegante dhe sensuale në premierën e filmit “The Liberation”, gjatë Festivalit të Filmit BFI në Londër.
Aktorja britanike, e cila është 37 vjeçe, zgjodhi një kombinim modern, ku transparenca dhe linjat klasike u ndërthurën në një stil të kuruar.
Pjesa që spikati më shumë në veshjen e saj ishte një bluzë e zezë transparente nga marka Khaite, me vlerë rreth 2 mijë funte (afërsisht 2,300 euro), nën të cilën aktorja kishte kombinuar reçipeta të zeza.
Ajo e plotësoi pamjen me pantallona të zeza elegante dhe këpucë me taka të ulëta, duke krijuar një siluetë minimaliste, por mjaft tërheqëse.
Flokët biondë të stiluar me kujdes dhe vathët e thjeshtë në formë rrethi prej argjendi i dhanë paraqitjes një prekje të rafinuar, pa e larguar vëmendjen nga kombinimi i veshjeve.
Kjo nuk ishte paraqitja e vetme e Lily James gjatë festivalit.
Një mbrëmje më parë, ajo u shfaq në një tjetër event të filmit me një fustan të bardhë pa rripa, të kombinuar me taka metalike në ngjyrë argjendi.
Dy zgjedhjet e saj dëshmuan një qasje të ndryshme ndaj stilit të mbrëmjes, nga eleganca e bardhë dhe minimaliste te loja me transparencën dhe kontrastet e së zezës.
Burimi origjinal i informacionit: telegrafi .com
