Shumë nga këngëtarët më të njohur në botë kanë emra të ndryshëm nga ata me të cilët kanë lindur.
Disa prej tyre e bënë këtë për arsye artistike, ndërsa të tjerë kërkuan emra më të lehtë për t’u mbajtur mend ose një identitet të ri për karrierën e tyre.
Nga Lady Gaga e Bruno Mars te Katy Perry e Lana Del Rey, këta janë disa nga yjet që lanë pas emrat e tyre të lindjes përpara se të arrinin famën globale.
Lady Gaga – nga Stefani Germanotta në Lady Gaga Para se të bëhej Lady Gaga, ajo quhej Stefani Joanne Angelina Germanotta.
Emri artistik “Lady Gaga” u shfaq në vitet e para të karrierës së saj muzikore.
Sipas ELLE, producenti Rob Fusari e krahasonte zërin e saj me atë të Freddie Mercury dhe i referohej këngës “Radio Ga Ga”.
Më pas, emri “Lady Gaga” u bë identiteti me të cilin ajo do të pushtonte skenën botërore.
Bruno Mars – nga Peter Hernandez në Bruno Mars Emri i lindjes së Bruno Mars është Peter Gene Hernandez.
Këngëtari ka shpjeguar se e zgjodhi emrin Bruno Mars për të krijuar një identitet artistik që të mos kufizohej nga paragjykimet për prejardhjen e tij.
Sot, ai është një prej emrave më të mëdhenj të pop-it, R&B-së dhe muzikës funk.
Katy Perry – nga Katheryn Hudson në Katy Perry Katy Perry lindi si Katheryn Elizabeth Hudson.
Para se të bëhej ylli ndërkombëtar që njohim sot, ajo përdorte mbiemrin Hudson, por më vonë zgjodhi mbiemrin Perry, që ishte mbiemri i vajzërisë së nënës së saj.
Kjo ishte një mënyrë për të shmangur konfuzionin me aktoren Kate Hudson dhe për të krijuar një identitet të veçantë në industrinë e muzikës.
Lana Del Rey – nga Elizabeth Grant në Lana Del Rey Lana Del Rey është një shembull interesant i një artistjeje që ndërtoi një identitet të ri përpara famës së madhe.
Emri i saj i lindjes është Elizabeth Woolridge Grant.
Në fillimet e karrierës, ajo performonte si Lizzy Grant dhe përdorte emra të tjerë artistikë.
Sipas Vogue, emrin “Lana Del Rey” ajo e zgjodhi për t’i përshtatur më shumë muzikës dhe imazhit që po ndërtonte.
Fama e madhe erdhi më pas, sidomos me “Video Games”.
Nicki Minaj – nga Onika Tanya Maraj në Nicki Minaj Nicki Minaj lindi si Onika Tanya Maraj.
Emri “Nicki Minaj” u shfaq në fillimet e karrierës së saj, kur ajo po përpiqej të gjente identitetin e saj artistik.
Në një intervistë, Minaj ka treguar se fillimisht nuk ishte e bindur për ndryshimin e emrit dhe kishte kundërshtuar propozimin e producentit për ta quajtur “Minaj”.
Megjithatë, emri përfundimisht u bë një nga emrat më të njohur në historinë e hip-hop-it.
Miley Cyrus – nga Destiny Hope Cyrus në Miley Cyrus Miley Cyrus lindi me emrin Destiny Hope Cyrus.
Familja e thërriste “Smiley” kur ishte e vogël, për shkak të buzëqeshjes së saj.
Më vonë, ajo e shndërroi këtë nofkë në “Miley” dhe e bëri pjesë të emrit të saj.
Në vitin 2008, ajo e ndryshoi ligjërisht emrin në Miley Ray Cyrus.
Elton John – nga Reginald Dwight në Elton John Një prej ndryshimeve më të famshme në historinë e muzikës është ai i Elton John.
Këngëtari lindi si Reginald Kenneth Dwight, por përpara se të bëhej një prej ikonave më të mëdha të muzikës britanike, ai zgjodhi emrin Elton John.
Emri i ri u bë pjesë e identitetit të tij artistik dhe sot “Elton John” është një prej emrave më të njohur në historinë e muzikës.
The Weeknd – nga Abel Tesfaye në The Weeknd The Weeknd njihet si Abel Tesfaye në jetën private.
Ai zgjodhi “The Weeknd” si emër artistik në fillimet e karrierës së tij, dhe emri u bë shpejt pjesë e një identiteti muzikor misterioz.
Sipas raportimeve mbi emrin e tij artistik, Tesfaye e shkroi “Weekend” pa shkronjën “e”, duke krijuar formën “The Weeknd”.
Burimi origjinal i informacionit: telegrafi .com
