Daniel Craig, i njohur për rolin e James Bond, ka bërë një investim në një pub historik në Londër, i cili thuhet se është i pushtuar nga fantazma e një xhelati.
Aktori 58-vjeçar është bërë bashkëpronar i lokalit “The Horseshoe”, i vendosur në zonën e Clerkenwell, së bashku me tre miq të tij.
Mes bashkëpronarëve janë Nick Jones, pronar i Soho House, Charlie Carroll, themelues i rrjetit të restoranteve Flat Iron, dhe Justin O’Shea, drejtor krijues i markës së birrës Bad Belze.
Pub-i ka rreth 250 vjet histori dhe, sipas ish-pronares Pauline Tucker, bodrumi i tij është përndjekur prej dekadash nga fantazma e një xhelati vendas.
Tucker ka treguar se pronarët e rinj nuk ishin informuar për këtë histori të pazakontë gjatë shitjes.
Sipas saj, fantazma nuk shihet, por prania e saj ndihet.
Megjithatë, Craig duket se e ka marrë me humor këtë rrëfim, duke bërë shaka se mund t’i lënë një birrë në bodrum, duke iu drejtuar fantazmës me emrin Gilbert.
Investimi ka një lidhje personale për aktorin, pasi ai është rritur në bare, ku prindërit dhe gjyshërit e tij drejtonin lokale në Cheshire.
Ai ka kujtuar se kalonte shumë kohë mes klientëve dhe se pub-et ishin vende ku njerëzit mblidheshin për të biseduar dhe për të ndarë shqetësimet e tyre.
Aktori planifikon ta rinovojë “The Horseshoe”, por ka theksuar se nuk ka për qëllim ta kthejë atë në një gastropub modern.
Burimi origjinal i informacionit: telegrafi .com
