Shefi i grupit parlamentar të Aleancës, Besnik Tahiri, njoftoi se po përgatitet një deklaratë e përbashkët në lidhje me aktgjykimin dënues të Gjykatës Speciale ndaj katër ish-krerëve të Ushtrisë Çlirimtare të Kosovës.
Në një mbledhje të sotme, përfaqësuesit e partive politike u mblodhën në Kuvend për të diskutuar tekstin e kësaj deklarate. “Diskutuam draftin, preambulën, pikat kryesore.
Deklarata është në përfundim e sipër dhe shpresoj që vjen në Kuvend”, tha ai.
Ai theksoi se “aty s’pati kundërshtime.
Pati debat.
Pati qëndrime për tema, për pika”.
Tahiri përmendi se për disa, ka pasur preferenca për një shkrim të gjatë, ndërsa për të tjerë, një shkrim të shkurtër.
Ai shprehu mendimin se “kjo deklaratë, sado që dikujt mund t’i duket si një deklaratë politike pa efekte juridike, deklarata e sotme është mesazh i rëndësishëm, për të mos thënë”.
Burimi origjinal i informacionit: zeri .info
