Ministri i Punëve të Jashtme dhe Diasporës së Kosovës, Glauk Konjufca, i cili ndodhet në New York, përkujtoi sulmin terrorist në Banjskë, duke theksuar se nesër shënohen tri vjet nga ky ngjarje tragjike, ku humbi jetën rreshteri i Policisë së Kosovës, Afrim Bunjaku.
Ai theksoi se kriminelët që realizuan këtë sulm vazhdojnë të jenë të lirë në Serbi, duke nënvizuar rëndësinë e llogaridhënies për sigurinë dhe stabilitetin e rajonit. “Zëvendëskryeministri Konjufca iu referua gjithashtu sulmit të vitit 2024 ndaj kanalit Ibër-Lepenc, i cili është thelbësor për furnizimin me ujë dhe funksionimin e sistemit energjetik të Kosovës.
Ai vlerësoi se ky rast ilustron qartë pse qëndrueshmëria dhe mbrojtja e sistemeve kritike nga sabotimi, sulmet kibernetike dhe kërcënimet hibride duhet të jenë një prioritet i rëndësishëm në sigurinë rajonale.” “Ai theksoi se Kosova i ka përballuar të dyja këto sulme dhe ka dalë fitimtare, duke nënvizuar se këto nuk janë kërcënime abstrakte për vendin tonë.
Kosova i ka përjetuar këto kërcënime drejtpërdrejt dhe, pikërisht për këtë arsye, është e gatshme të kontribuojë konkretisht në përgjigjen e përbashkët rajonale ndaj sulmeve të tilla,” thuhet në komunikatën për media.
Burimi origjinal i informacionit: zeri .info
