Labinot Tahiri i është bashkuar protestës në sheshin e Prishtinës, në mbështetje të ish-krerëve të UÇK-së, pas aktgjykimit të 16 shtatorit në Hagë.
Këngëtari dhe ish-deputeti, përmes një lidhjeje live në Facebook, u ka bërë thirrje qytetarëve që të bashkohen dhe të organizohen edhe jashtë Kosovës. ‘Ju lutem, nuk është koha e fushatave.
Ju lutem të bëhemi bashkë.
Unanimisht të bëhen protesta edhe në Perëndim edhe në Amerikë.
Liri për çlirimtarët’, tha Tahiri.
Ai kërkoi gjithashtu mbështetjen e qytetarëve për katër ish-krerët e UÇK-së, duke u shprehur: ‘Na duhet mbështetja e juaj, ata janë vëllezërit e juaj’.
Thirrja e tij vjen një ditë pas shpalljes së aktgjykimit nga Dhomat e Specializuara të Kosovës në Hagë.
Më 16 shtator, Hashim Thaçi dhe Jakup Krasniqi u dënuan me nga 25 vjet burgim, Kadri Veseli me 18 vjet, ndërsa Rexhep Selimi me 13 vjet.
Vendimi është i shkallës së parë.
Burimi origjinal i informacionit: telegrafi .com
