Hetimi për vdekjen e këngëtarit grek Giorgos Mazonakis ka marrë një tjetër zhvillim.
Mjeku 58-vjeçar dhe bashkëshortja e tij janë dërguar në paraburgim nën akuzën për vrasje të qëllimshme përmes mosveprimit.
Vendimi u mor pas rreth 18 orësh marrje në pyetje lidhur me rrethanat e vdekjes së Mazonakis.
Këngëtari pësoi kolaps gjatë një procedure plazmafereze në klinikën e çiftit në Kolonaki.
Mjeku dhe bashkëshortja e tij mohojnë akuzat dhe këmbëngulin se nuk kanë përgjegjësi për vdekjen e artistit.
Gjatë hetimit, bashkëshortja e mjekut është ndjerë keq dhe ka qenë pranë të fikëtit.
Seanca është ndërprerë përkohësisht, derisa në ambientet e gjykatës ka mbërritur një ambulancë.
Mbrojtja e çiftit ka kundërshtuar versionin e akuzës dhe ka ngritur pikëpyetje mbi ndërhyrjen emergjente në rastin e kolapsit të Mazonakis.
Autoritetet po analizojnë dinamikën e ngjarjes dhe të dhënat e marra nga klinika dhe pajisjet elektronike të mjekëve.
Burimi origjinal i informacionit: telegrafi .com
