Lady Gaga po përjeton tashmë rolin e nënës.
Ylli i muzikës pop dhe i fejuari i saj, Michael Polansky, janë fotografuar për herë të parë që kur “Page Six” raportoi u bënë së fundmi prindër për herë të parë.
Në fotografitë e siguruara ekskluzivisht nga “Page Six”, këngëtarja 40-vjeçare shihet duke mbajtur foshnjën pranë gjoksit, teksa shëtiste së bashku me sipërmarrësin 42-vjeçar në Kaliforninë Veriore.
Gaga zgjodhi një veshje të thjeshtë për këtë dalje, duke u shfaqur me pantallona të bardha të lirshme dhe një pallto të gjerë, ndërsa sytë i mbulonte me syze dielli të errëta.
Polansky, ndërkohë, ecte pranë të fejuarës së tij i veshur me pantallona të shkurtra, një bluzë me kapuç, një kapele bejsbolli dhe shapka.
Këngëtarja e hitit “Poker Face” dukej se e mbante dorën në mënyrë mbrojtëse mbi të porsalindurin, ndërsa familja ecte përgjatë rrugës.
Kjo dalje e rrallë publike ofron pamjen e parë të jetës së re të çiftit si prindër, të cilët njihen për faktin se e mbajnë jetën private larg vëmendjes së publikut.
Aktorja e “A Star Is Born” kishte qëndruar kryesisht larg syrit të publikut gjatë muajve të fundit, pasi përfundoi turneun e saj “Mayhem Ball” në prill.
Megjithëse e ka mbajtur private rrugëtimin e saj drejt mëmësisë, fituesja e çmimit Grammy ka folur hapur në të kaluarën për dëshirën e saj për t’u bërë nënë.
Burimi origjinal i informacionit: telegrafi .com
