Instituti Kombëtar i Shëndetësisë Publike të Kosovës (IKSHPK) ka bërë thirrje për vaksinimin e fëmijëve kundër fruthit, duke e cilësuar vaksinimin si masën më të rëndësishme për mbrojtjen e shëndetit.
Sipas IKSHPK-së, nga 16 prilli deri më 6 shtator 2026 janë konfirmuar 158 raste me fruth, ndërsa vetëm gjatë javës së fundit janë regjistruar shtatë raste të reja.
Mbi 95% e rasteve të konfirmuara janë te persona të pavaksinuar me vaksinën MMR, thuhet në njoftim.
IKSHPK-ja ka njoftuar se, krahas vaksinimit të rregullt, është intensifikuar edhe vaksinimi i vonuar, i njohur si ‘catch-up’.
Gjatë këtij viti, përmes këtij procesi janë vaksinuar mbi 2,700 fëmijë të moshës 2 deri në 5 vjeç.
Instituti ka vlerësuar angazhimin e prindërve dhe profesionistëve shëndetësorë, duke theksuar se vaksinimi ndihmon në mbrojtjen e fëmijëve dhe në ndërprerjen e përhapjes së fruthit.
Burimi origjinal i informacionit: zeri .info
