Fatmir Sheholli, në seancën e parë dëgjimore ndaj tij, është deklaruar i pafajshëm për veprat penale “Spiunazhi” dhe “Shantazhi”.
Ministri në detyrë për Komunitet dhe Kthim, Nenad Rashiq, ka rrëfyer për disa raste kërcënimesh ndaj tij dhe bashkëpunëtorëve të tij.
Rashiq tha se më 24 korrik 2025, pesë-gjashtë bashkëpunëtorë të tij ishin kontaktuar nga një numër telefoni i Serbisë.
Sipas tij, personi në anën tjetër të telefonit ishte prezantuar si punëtor i BIA-s, duke u kërkuar atyre që të shkonin në Beograd dhe të bashkëpunonin.
Ministri në detyrë tregoi se pas këtij rasti e kishte kuptuar se situata nuk ishte e parëndësishme dhe kishte njoftuar organet e rendit.
Rashiq tha se fillimisht kishte pranuar rekomandimin e autoriteteve për të pritur dhe për të parë se kush qëndronte pas kërcënimeve.
Megjithatë, sipas tij, rasti nuk përfundoi aty.
Duke folur për procesin gjyqësor ndaj Fatmir Shehollit, Rashiq u shpreh i kujdesshëm për përgjegjësinë e tij, duke theksuar se nuk mund të thotë nëse ai është fajtor apo jo.
Burimi origjinal i informacionit: zeri .info
