Ariana Grande përfundoi koncertin e fundit të turneut ‘Eternal Sunshine’ në Londër të martën, pas të cilit ajo do të tërhiqet nga sytë e publikut.
Këngëtarja i dha një falënderim emocional publikut gjatë natës përmbyllëse në O2 Arena, duke e përshkruar turneun si një nga përvojat më të bukura të jetës së saj.
Drejt fundit të performancës, ajo u përpoq të fliste, siç tha ajo, pa qarë, ndërsa u thoshte lamtumirë fansave pas 41 koncerteve të mbajtura në Shtetet e Bashkuara, Kanada dhe Mbretërinë e Bashkuar. ‘Do ta kujtoj gjithmonë këtë përvojë.
Kam fansat më të mirë në të gjithë botën dhe gjithmonë i kam pasur,’ tha ajo ndër të tjera.
Më vonë, ajo i falënderoi për atmosferën në sallë, duke vënë në dukje përpjekjen e publikut që erdhi i veshur me stilin e saj karakteristik të modës, me taka, veshë maceje dhe bisht. ‘Faleminderit për gjithë punën tuaj të palodhur dhe që vazhdoni ta bëni këtë kaq të veçantë.
E shijova çdo minutë të kësaj me të gjithë ju,’ tha ajo.
Muajin e kaluar, menaxheri i saj i tha revistës People se ajo do të tërhiqej nga publiku pas përfundimit të turneut.
Në deklaratë thuhej se ajo dëshironte ta përfundonte turneun e shëndetshme dhe e lumtur, dhe pastaj të merrte një pushim të merituar nga puna dhe paraqitjet publike.
Burimi origjinal i informacionit: telegrafi .com
