Meghan Markle mund të jetë pranë rikthimit në ekran, pasi emri i saj është lidhur me sezonin e tretë të serialit të Netflix ‘The Gentlemen’, ku luajnë Theo James dhe Kaya Scodelario.
Fillimisht u raportua se Meghan kishte marrë një ofertë prej disa milionë dollarësh për t’iu bashkuar kastit, por lajmi shkaktoi reagime të shumta dhe u tha se marrëveshja ishte pezulluar për shkak të kritikave të forta.
Megjithatë, raportimet e fundit sugjerojnë se Netflix ende është i interesuar për përfshirjen e saj.
Deri tani nuk ka një marrëveshje zyrtare, teksa roli që mund të interpretojë Meghan thuhet se është duke u zhvilluar për sezonin e ri.
Rikthimi i saj në aktrim do të ishte mjaft i bujshëm, pasi Meghan u bë e famshme për rolin e Rachel Zane në serialin ‘Suits’, ku luajti për shtatë sezone përpara se të largohej nga aktrimi në vitin 2018.
Në vitin 2022, ajo kishte deklaruar se nuk kishte në plan të rikthehej në ekran, duke thënë se e kishte mbyllur kapitullin e aktrimit.
Ndërkohë, Netflix ende nuk ka konfirmuar zyrtarisht nëse Meghan do të jetë pjesë e ‘The Gentlemen’.
Burimi origjinal i informacionit: telegrafi .com
