Bebe Rexha dhe David Guetta kanë shënuar një tjetër sukses me bashkëpunimin e tyre më të fundit, “Sad Girls”, e cila ka arritur në vendin e parë të klasifikimit të radiove dance në Shtetet e Bashkuara.
Kënga ka përfunduar ngjitjen në krye të listës së kësaj jave të Mediabase Dance Radio, duke u renditur në pozitën e parë.
Numri i transmetimeve është rritur me 162 krahasuar me javën e kaluar, duke i siguruar këngës së Rexhës dhe Guettas ngjitjen në pozitën e parë.
Ndërkohë, “Movin’ To The Sun” nga Hugel, Ultra Naté dhe Imael Angel është ngjitur në vendin e dytë, ndërsa “Free Your Mind” nga Prospa dhe Cloonee ka shënuar një ngritje prej tri pozitash, duke u renditur e treta.
Në vendin e katërt është ngjitur “Gimme Love” nga Laszewo, ndërsa “Seratonin” e James Hype ka avancuar dy pozita për të zënë vendin e pestë.
Burimi origjinal i informacionit: telegrafi .com
