29 vatra zjarri janë raportuar në të gjithë Shqipërinë gjatë 24 orëve të fundit, ndërsa 11 prej tyre vijojnë të jenë aktive.
Sipas Ministrisë së Mbrojtjes, tre vatra janë në monitorim dhe katër të tjera janë vendosur nën kontroll.
Për përballimin e situatës janë angazhuar qindra forca në terren nga strukturat si Mbrojtja Civile, Policia, bashkitë, shërbimet pyjore, vullnetarë dhe Forcat e Armatosura.
Në terren janë angazhuar 249 efektivë të MZSH-së, 48 forca policore, 233 forca bashkiake, të AdZM-së, Shërbimit Pyjor dhe ASHP-së, 206 vullnetarë dhe 118 efektivë të Forcave të Armatosura.
Në dispozicion janë 43 automjete zjarrfikëse dhe Forcat e Armatosura kanë angazhuar 9 automjete zjarrfikëse, 4 autobote, 3 ambulanca, 3 helikopterë dhe 2 avionë Air Tractor.
Operacionet janë aktive në zonat si Dajti, Priska e Madhe, Përmeti, Gurë-Lurë e Dibrës, Qafa e Helmes, Trojet e Mirditës, Shkodra dhe Elbasani.
Forcat po punojnë për izolimin dhe shuarjen e vatërave pa rrezik për banesat.
Ministria e Mbrojtjes koordinon operacionet për mbrojtjen e banesave dhe kufizimin e përhapjes së flakëve.
Agjencia Kombëtare e Mbrojtjes Civile monitoron dhe koordinon veprimet në terren.
Burimi origjinal i informacionit: zeri .info
