Rita Ora ka ndarë me ndjekësit e saj në Instagram listën e koncerteve që i kanë mbetur për sezonin veror, duke konfirmuar edhe një herë agjendën e ngjeshur që e pret gjatë javëve në vazhdim.
Meqenëse koncertet në Austri dhe Finlandë tashmë kanë përfunduar me sukses, ndalesa e radhës për Ritën do të jetë Maqedonia e Veriut.
Artistja me famë botërore do të ngjitet në skenë këtë të shtunë, më 1 gusht, në kuadër të Ohrid Summer Festival, ku do të mbajë një koncert të organizuar nga Pragma Music në stadiumin ‘Biljanini Izvori’ në Ohër.
Edhe pse interesi për koncertin ka qenë i madh, adhuruesit e këngëtares ende kanë mundësinë të sigurojnë biletat dhe të bëhen pjesë e mbrëmjes muzikore.
Rita Ora njihet për performancat e saj energjike, produksionin spektakolar dhe komunikimin e afërt me publikun, prandaj pritet të dhurojë një spektakël të vërtetë për fansat që do të mblidhen në Ohër.
Burimi origjinal i informacionit: telegrafi .com
