Faruk Ajeti, ambasadori i Kosovës në Gjermani, ka vlerësuar suksesin ndërkombëtar të regjisorit kosovar Visar Morina, duke e cilësuar atë si një nga regjisorët më të mirë të kinematografisë së Kosovës.
Ajeti ka mirëpritur në ambasadë Visar Morinën, një artist dhe krijues me vizion të jashtëzakonshëm, i cili prej vitesh jeton dhe vepron në Gjermani.
Ai ka theksuar se nga Çikatova e Vjetër e Drenicës, me talent dhe një gjuhë të veçantë artistike, Morina ka arritur të prekë skenat më prestigjioze të kinemasë ndërkombëtare.
Së fundmi, filmi i tij “Shame and Money” është shpërblyer me çmimin kryesor në Filmfest München dhe në Sundance Film Festival, një arritje e veçantë që e afron drejt nominimit për çmimin më prestigjioz të kinemasë botërore, Oscarit.
Ai ka theksuar se me veprat e tij të vlerësuara ndërkombëtarisht, si “Von Hunden und Tapeten”, “Der Schübling”, “Babai”, “Exil” dhe së fundmi “Shame and Money”, Visar Morina ka ngritur lart emrin e kinematografisë së Kosovës dhe ka vendosur një standard të ri artistik në skenën evropiane.
Burimi origjinal i informacionit: telegrafi .com
