Pak më shumë se një muaj pas lindjes së djalit të tyre, Eronita, bashkëshortja e këngëtarit Blero, ka ndarë me ndjekësit një set fotografish familjare të veçanta, të shoqëruara me një dedikim emocional.
Ajo ka shpërndarë ndjenjat e udhëtimit drejt mëmësisë, duke kujtuar momentin kur zbuloi shtatzëninë. ‘Nga ato dy viza në testin e shtatzënisë e deri te ky moment sot… 9 muaj të trazuar të mbushur me emocione, frikë, lumturi, dhimbje, lutje për çdo gram shtesë, pritje, bukuri dhe dashuri — derisa më në fund mbërrite’, shkroi ajo, përshkruar këtë periudhë si ‘nëntë muaj përgatitje për të rënë në dashuri për gjithë jetën’.
Eronita tregoi se ende i duket e pabesueshme shpejtësia me të cilën ndryshoi jeta e saj. ‘Është e vështirë të besosh se një minutë je shtatzënë dhe në tjetrën, një njeri i vogël fle pikërisht pranë teje.
I shikon me orë të tëra.
Ua numëron gishtat e duarve dhe të këmbëve pa pushim’, u shpreh ajo, duke shtuar se shpesh qan nga gëzimi kur e sheh të birin.
Në fund të dedikimit, ajo e përshkroi djalin e tyre, Areej Darrian Muharremi, si dhuratën më të bukur në jetën e tyre.
Burimi origjinal i informacionit: telegrafi .com
