Kryenegociatori i Kosovës me Bashkimin Evropian, Jeton Zulfaj, ka njoftuar se Kosova ka dorëzuar brenda afatit zyrtar kërkesën e parë për lirimin e fondeve në kuadër të Instrumentit për Reforma dhe Rritje të BE-së, duke përfshirë të gjitha reformat e përfunduara deri më 30 qershor.
Bashkimi Evropian do të ketë tre muaj kohë për të vlerësuar dëshmitë e dorëzuara dhe më pas do të vendosë për lirimin e fondeve.
Në kërkesë nuk janë përfshirë gjashtë hapa reformues që nuk u realizuan brenda afatit për shkak të bllokadës në Kuvend, pesë prej të cilëve lidhen me ligje që kërkonin miratim parlamentar.
Mosfunksionimi i Kuvendit ka ngadalësuar reformat dhe ka rrezikuar fondet evropiane të dedikuara për zhvillimin dhe integrimin e Kosovës.
Hapat e papërfunduar do t’i procedohen legjislaturës së re sapo ajo të konstituohet, ndërsa në mungesë të bllokadave, Kosova do të printe në rajon.
Burimi origjinal i informacionit: zeri .info
