Drejtori i Shërbimeve Tekniko-Administrative në Qendrën Klinike Universitare të Kosovës (QKUK), Fisnik Dobra, thotë se ka filluar zëvendësimi i shtretërve të dëmtuar në Klinikën e Pediatrisë për modernizimin e infrastrukturës dhe furnizimin me inventar medicinal.
Projekti është pjesë e një kontrate të lidhur nga Agjencia Qendrore e Prokurimit në qershor.
Plani përfshin 51 artikuj për furnizim me inventar të ri.
Në ditët në vijim pritet të bëhen planifikimet për nevojat e tjera me inventar të ri.
Deri tani janë zëvendësuar shtatë shtretër, ndërsa pritet të ndërrohet edhe një tjetër.
Renovimet e disa nyjeve sanitare në një pjesë të repartit kanë përfunduar, ndërsa së shpejti do të nisë edhe rinovimi i pjesës tjetër.
Burimi origjinal i informacionit: zeri .info
