Kryetari i Shoqatës së Prodhuesve të Kosovës, Kushtrim Ajvazi, ka bërë të ditur se bizneset në Kosovë po përballen vazhdimisht me sfida të ndryshme si kriza energjetike, rritja e çmimeve dhe vështirësitë në sigurimin e konkurrueshmërisë në tregjet e jashtme.
Ai po ashtu ka theksuar se prodhuesit vendorë po punojnë për zgjerimin e kapaciteteve prodhuese dhe rritjen e numrit të të punësuarve, duke shtuar se mbështetja institucionale do të ishte e rëndësishme për të ruajtur konkurrueshmërinë e tyre.
Ajvazi gjithashtu ka vlerësuar se Kosova ka potencial të madh për zgjerimin e përpunimit të produkteve dhe nënprodukteve, duke iu bazuar në nivelin e lartë të importeve.
Në të njëjtën kohë, ai ka theksuar se furnizimi i qëndrueshëm me energji elektrike mbetet një sfidë kryesore për bizneset në Kosovë. “Një prej sfidave kryesore që po ballafaqohemi kohët e fundit është sigurimi i qëndrueshëm me energji elektrike, ku ndërprerjet po ndikojnë në proceset e prodhimit dhe në rritjen e kostove”, tha Ai.
Burimi origjinal i informacionit: zeri .info
