Kryeministri Edi Rama bëri të ditur sot se autoritetet shqiptare kanë kërkuar bashkëpunimin e Google për të adresuar rastet e manipulimit të vlerësimeve online ndaj disa sipërmarrjeve në sektorin e turizmit.
Në një reagim në rrjetet sociale, Rama deklaroi se përmes mijëra llogarive të hapura posaçërisht është tentuar të dëmtohet reputacioni digjital i hoteleve, bujtinave dhe restoranteve, duke ndikuar në vlerësimet e tyre në platformat online.
Duke iu referuar zhvillimeve, Rama kritikoi autorët e kësaj fushate, duke u shprehur se ajo synonte dëmtimin e bizneseve vendase dhe klimës së investimeve.
Sipas Kryeministrit, Policia po vijon hetimet për zbardhjen e skemës dhe identifikimin e përgjegjësve, ndërsa bashkëpunimi me Google ka mundësuar rikthimin e vlerësimeve bizneseve të prekura.
Burimi origjinal i informacionit: zeri .info
