Një anketë e re e publikuar nga UNFPA zbulon se të rinjtë në Evropën Lindore dhe Azinë Qendrore vazhdojnë ta konsiderojnë familjen dhe prindërimin si prioritete jetësore, por përballen me pengesa të mëdha ekonomike dhe sociale që ua vështirësojnë realizimin e këtyre synimeve.
Rezultatet tregojnë se shumica synojnë të kenë dy ose më shumë fëmijë, por shumë prej këtyre aspiratave mbeten të parealizuara për shkak të pasigurisë financiare, mungesës së banimit të përshtatshëm, problemet shëndetësore, vështirësive për të gjetur partnerin e duhur, si dhe ndarja e pabarabartë e përgjegjësive për kujdesin ndaj fëmijëve dhe punët e shtëpisë.
Drejtoresha Rajonale e UNFPA-së thotë se të rinjtë nuk po largohen nga ideja e krijimit të familjes, por nuk shohin kushtet e nevojshme për ta realizuar atë.
Gjetjet e anketës janë një thirrje për qeveritë që të dëgjojnë të rinjtë dhe të hartojnë politika që i mbështesin në realizimin e aspiratave të tyre për familjen dhe prindërimin.
Burimi origjinal i informacionit: zeri .info
