Me rastin e Ditës së Pavarësisë së Shtetet e Bashkuara të Amerikës, ushtruesi i detyrës së Ministrit të Punëve të Brendshme të Kosovës, Xhelal Sveçla, ka kujtuar rolin vendimtar të SHBA-së në sundimin e demokracisë dhe ligjit.
Sveçla përmes një postimi në rrjetin social Facebook, e ka uruar popullin amerikan.
Sipas tij, Shtetet e Bashkuara të Amerikës kanë qenë një mbrojtëse e palëkundur e demokracisë, paqes dhe rendit, duke dhënë një kontribut vendimtar në përballjen me sfidat më të mëdha të kohës. “Më 4 korrik 1776, Deklarata e Pavarësisë së Shteteve të Bashkuara të Amerikës hodhi themelet e një shteti të ndërtuar mbi lirinë, dinjitetin njerëzor, barazinë dhe të drejtën e popujve për të vendosur mbi fatin e tyre.
Për 250 vjet, idealet e mishëruara në këtë dokument kanë frymëzuar kombe e popuj në rrugën drejt lirisë, demokracisë dhe sundimit të ligjit.
Gjatë këtyre dy shekujve e gjysmë, Shtetet e Bashkuara të Amerikës kanë qenë një mbrojtëse e palëkundur e demokracisë, paqes dhe rendit, duke dhënë një kontribut vendimtar në përballjen me sfidat më të mëdha të kohës.
Në këtë jubile të madh, u përcjell urimet më të përzemërta popullit amerikan dhe miqve tanë në Shtetet e Bashkuara të Amerikës.
Uroj që idealet e Deklaratës së Pavarësisë të vazhdojnë të frymëzojnë botën edhe në shekujt që vijnë, ndërsa partneriteti strategjik dhe miqësia ndërmjet vendeve tona të mbetet e fortë dhe e palëkundur në shërbim të lirisë, paqes dhe demokracisë”, shkroi Sveçla.
Krahas tij, edhe liderët e tjerë institucional e kanë uruar ShBA-në për festën e tyre Kombëtare.
Burimi origjinal i informacionit: zeri .info
