Ushtruesja e detyrës së presidentes së Kosovës, Albulena Haxhiu, ka vizituar Agjencinë e Kosovës për Inteligjencë (AKI), ku është pritur nga drejtori i saj, Petrit Ajeti, si dhe zyrtarë të tjerë të institucionit.
Haxhiu është njoftuar nga afër me punën, organizimin dhe prioritetet e AKI-së, të cilën e cilësoi si institucion kyç për sigurinë e vendit. “Sot vizitova Agjencinë e Kosovës për Inteligjencë (AKI), ku u prita nga drejtori, z.
Petrit Ajeti, dhe zyrtarë të tjerë të Agjencisë.
Nga afër u njoha me punën, organizimin dhe prioritetet e këtij institucioni kyç për sigurinë e Republikës së Kosovës”, ka shkruar ajo.
Ajo ka vlerësuar punën dhe përkushtimin e zyrtarëve të AKI-së në mbrojtje të sigurisë shtetërore. “Shpreha vlerësimin për profesionalizmin dhe përkushtimin e zyrtarëve të AKI-së në mbrojtje të sigurisë dhe interesave shtetërore”, ka theksuar Haxhiu.
Sipas saj, forcimi i kapaciteteve të Agjencisë dhe bashkëpunimi ndërinstitucional janë të domosdoshme për sigurinë e vendit. “Fuqizimi i kapaciteteve të saj dhe bashkëpunimi ndërinstitucional mbeten thelbësore për një Republikë të sigurt dhe të përgatitur për sfidat e së ardhmes”, ka shtuar ajo.
Burimi origjinal i informacionit: zeri .info
