Në Tiranë po mbahet protesta e 29-të kundër Qeverisë së Shqipërisë dhe kryeministrit Edi Rama.
Qytetarët janë mbledhur në Sheshin ‘Skënderbej’ dhe kanë marshuar drejt Kryeministrisë duke thënë sloganin ‘Rama n’burg, Berisha n’burg’.
Kërkesa kryesore e protestuesve është dorëheqja e kryeministrit dhe e qeverisë, si dhe krijimi i një qeverie teknike tranzitore.
Protestuesit kërkojnë ndryshime kushtetuese për barazi të plotë para ligjit dhe kërkojnë ndryshime në Kodin Zgjedhor dhe ligjin për financimin e partive politike.
Ata gjithashtu kërkojnë kufizimin e mandateve të kryeministrit dhe anulimin e disa ligjeve të rëndësishme.
Organizatorët e protestës deklarojnë se kërkesat e tyre janë legjitime dhe të panegociueshme dhe se protesta do të vazhdojë deri në realizimin e tyre.
Burimi origjinal i informacionit: zeri .info
