Njohës të arsimit kanë vlerësuar se rënia e numrit të nxënësve dhe studentëve në Kosovë është pasojë e drejtpërdrejtë e trendit demografik, duke kërkuar përshtatje të politikave arsimore dhe fokus në rritjen e cilësisë në arsim.
Ish-zëvendësministri i Arsimit, Dukagjin Pupovci, në një intervistë për Ekonomia Online, tha se rënia e numrit të nxënësve është rezultat i zvogëlimit të natalitetit dhe emigrimit.
Ai gjithashtu theksoi se situata duhet të shfrytëzohet për përmirësimin e cilësisë në arsim dhe racionalizimin e rrjetit të shkollave dhe programeve universitare.
Drejtori ekzekutiv i Institutit “EdGuard”, Rinor Qehaja, shtoi se institucionet nuk kanë reaguar në kohë për t’iu përshtatur këtij trendi demografik dhe se nevojiten politika që nxisin natalitetin dhe përshtatin investimet arsimore me trendin e rënies së numrit të nxënësve.
Ulja e numrit të nxënësve pritet të ndikojë drejtpërdrejt edhe në zhvillimin ekonomik të Kosovës.
Burimi origjinal i informacionit: zeri.info
