Policia turke ka ndaluar 22 persona, përfshirë disa figura të njohura të industrisë së filmit dhe muzikës, në kuadër të një hetimi për vepra të dyshuara që lidhen me substance narkotike dhe prostitucionin në Stamboll, sipas raportimeve të mediave lokale.
Mes të ndaluarve raportohet se janë këngëtari Kenan Doğulu, aktorja e njohur turke Beren Saat, muzikanti Ozan Doğulu, aktori Enis Arıkan, këngëtari Berdan Mardini dhe personazhi i njohur i rrjeteve sociale Kerimcan Durmaz.
Operacioni u zhvillua nga njësitë kundër narkotikëve të Drejtorisë së Policisë së Stambollit, në kuadër të një hetimi të udhëhequr nga Zyra e Kryeprokurorit Publik.
Të ndaluarit iu nënshtruan kontrolleve mjekësore pas ndalimit dhe më pas u transferuan në ambientet e Drejtorisë për Luftimin e Krimeve të Narkotikëve në Stamboll.
Burimi origjinal i informacionit: telegrafi.com
