Që nga qershori i vitit 2022, qeveritë e Kosovës dhe Shqipërisë nuk u ulën më përballë njëra-tjetrës në mbledhje të përbashkëta ndërqeveritare.
Ndonëse nga këto takime në total dolën rreth 110 marrëveshje mes dy vendesh, prej kur nisën të organizohen ato, një pjesë e tyre mbetën vetëm në letër.
Alma Lama, ish-diplomate tha se ngecja e projekteve strategjike lidhet drejtpërdrejt me situatën politike në të dyja shtetet.
E analisti Ben Andoni beson se raporti mes kryeministrash ka ndikuar drejtpërdrejt edhe në mosrealizimin e disa ujdive të dakorduara.
Top projekti që u pajtuan dy kabinetet mbetet hekurudha Prishtinë-Durrës, për të cilën që 4 vjet ka përfunduar veç fizibiliteti, e tash po priten burimet e financimit.
