Tragjedi në rrugën Mitrovicë–Prishtinë: Shoferi i lënduar nuk mbijeton plagët

Një aksident i rëndë ka përfunduar tragjikisht, pasi shoferi i lënduar nuk ka arritur t’u mbijetojë plagëve të marra në rrugën Mitrovicë–Prishtinë.

Familjarët e tij kanë bërë të ditur se Kastriot Cimili ka vdekur dhe do të varroset sot në ora 13:00.

Dyshohet se aksidenti ka ndodhur pasi shoferi ka humbur kontrollin mbi automjetin dhe është përplasur me mbrojtësen metalike anësore të rrugës.

Pas trajtimit në spitalin e Vushtrrisë, ai u transferua në QKUK në Prishtinë, por, në përpjekje për të shpëtuar jetën, 34-vjeçari ka humbur betejën kundër plagëve të marra në aksident.