E premtja, 15 maj, u shpall ditë zie në Kiev në kujtim të viktimave të sulmit të madh rus në kryeqytet, i cili, sipas informacioneve deri më tani, vrau të paktën tetë persona.
Vendimi u njoftua në rrjetet sociale nga kryebashkiaku Vitali Klitschko.
Klitschko shpjegoi se në ditën e zisë, flamujt në të gjitha ndërtesat e qytetit do të ulen në gjysmështizë.
I njëjti rekomandim u dha edhe për ndërtesat shtetërore dhe private.
Gjithashtu, të gjitha ngjarjet argëtuese në qytet u anuluan të premten, raporton Ukrainka Pravda, transmeton Klankosova.tv.
Kryebashkiaku shtoi se pastrimi i rrënojave të ndërtesës së dëmtuar në sulm në lagjen Darnicki vazhdon.
Shtatë persona janë konfirmuar të vdekur atje deri më tani dhe ekipet e shpëtimit po vazhdojnë kërkimet e tyre.
Rusia kreu një sulm të kombinuar në Kiev të martën në mbrëmje.
Sipas të dhënave të fundit deri në orën 14:45, tetë persona u vranë, përfshirë një fëmijë 12-vjeçar, ndërsa 44 persona u plagosën.
Shërbimi Shtetëror i Emergjencave raportoi se 20 persona të tjerë konsideroheshin të zhdukur. /Klankosova.tv
