LDK nderon 26-vjetorin e vrasjes së Komandant Drinit: Figurë e nderuar në historinë e Kosovës

LDK ka përkujtuar dhe nderuar jetën dhe veprën e Ekrem Rexhës, i njohur si Komandant Drini, në 26-vjetorin e vrasjes së tij.

Në një postim në Facebook, LDK shkroi se Drini mbetet udhërrëfyes për gjeneratat e ardhshme të Kosovës.

Kontributi i tij në radhët e UÇK-së gjatë luftës dhe në ndërtimin e paqes pas luftës, mbetet udhërrëfyes për gjeneratat e ardhme të Kosovës.

Komandant Drini mbetet figurë e nderuar në historinë e përpjekjeve të popullit tonë për liri e pavarësi.

Nderimi më i madh për Drinin do të jetë kur përgjegjësit e vrasjes së tij të dalin para drejtësisë.

I përhershëm kujtimi për Komandant Drinin!