Në një survejim në fshatin Binxhë të Klinës, u zbulua një lapidar i dëmtuar, i dyshuar se i takonte Zonës Operative të Drenicës së UÇK-së.
Arkeologu Berat Ademi ka denoncuar shkatërrimin barbar të lapidarit si një akt vandalizmi që synon të fshijë gjurmët historike të luftës së Ushtrisë Çlirimtare të Kosovës.
Edhe një gëzhojë e kalibrit 20 mm (M57) u gjet pranë lapidarit, dëshmi e luftimeve dhe rezistencës në këtë zonë gjatë luftës në Kosovë.
Dëmtimi i monumenteve përkujtimore nuk mund ta fshijë sakrificën e dëshmorëve, por duhet të jetë një alarm për institucionet dhe shoqërinë për të ruajtur këto vende historike.
