Fortesa Orana e gatshme për European Championship në Frankfurt: ‘Nuk jam krijuar për rrugë të lehta’

Karateistja Fortesa Orana nga Kosova ka deklaruar se është e gatshme për European Championship, i cili do të zhvillohet më 19 maj në Frankfurt.

Në një postim në Facebook, Orana ka theksuar se ka punuar shumë në heshtje dhe ka sakrifikuar shumë për këtë garë. ‘Ka pas momente kur dukej e pamundur, por rruga ime kurrë nuk është ndalë.

Dhe unë ende nuk jam ndalë… po vazhdoj, hap pas hapi, deri te pika ku e di që i takoj.

Sot jam këtu… por ende jo aty ku du me qenë.

Dhe nuk ndalem – deri sa ta arrij,’ ka shkruar karateistja. ‘Evropiani është vetëm një tjetër hap – fokus.

Ready for European Championship – Frankfurt 19 maj.’