Situate financiare e komunave në Kosovë: Drejtori i AKK shpreh shqetësimin

Drejtori i Asociacionit të Komunave të Kosovës, Sazan Ibrahimi, ka shprehur shqetësimin për përkeqësimin e situatës financiare të komunave në vend, duke theksuar barrën e rëndë që po u shkaktohet nga vendimet gjyqësore dhe moszbatimi i vendimeve kushtetuese nga niveli qendror.

Komunat po përballen me miliona euro obligime shtesë, duke rrezikuar funksionimin normal të pushtetit lokal.

Ibrahimi thekson se komunat po përballen me një presion të trefishtë financiar dhe kërkon ndërhyrje urgjente nga Qeveria e Kosovës për të siguruar zbatimin e plotë të vendimeve të Gjykatës Kushtetuese.