Ushtruesja e detyrës së presidentes, Albulena Haxhiu, ka pritur sot kryesuesin e Komisionit Qendror të Zgjedhjeve, Kreshnik Radoniqi, për të biseduar mbi hapat institucionalë në shpalljen e zgjedhjeve të reja në Kosovë.
Diskutimi u përqendrua në rëndësinë e përgatitjes në kohë të veprimeve për organizimin e procesit zgjedhor në përputhje me Kushtetutën dhe standardet demokratike.
Albulena Haxhiu vlerësoi rolin e Komisionit Qendror të Zgjedhjeve në sigurimin e një procesi të rregullt dhe të besueshëm, duke theksuar maturinë demokratike të qytetarëve të Kosovës.
Diskutimet përfshinën afatet ligjore, përgatitjet administrative, koordinimin ndërinstitucional dhe nevojën për zhvillimin e procesit zgjedhor pa vonesa dhe me standarde profesionale të larta.
