Aktgjykim dënues: 2 vjet burgim e 15 mijë euro gjobë për serbin që sulmoi KFOR-in në veri

Prokuroria Speciale e Kosovës mirëpret aktgjykimin dënues për S.R. i cili u akuzua për sulmin ndaj personit zyrtar dhe pjesëmarrjen në turmë që kryen vepër penale.

Sllobodan Radenkoviq u dënua me 2 vjet burgim dhe 15 mijë euro gjobë.

Vendimi i gjykatës është vlerësuar si një hap i rëndësishëm drejt drejtësisë dhe sigurisë publike.

Prokuroria theksoi se aprovimi i marrëveshjes për pranimin e fajësisë dëshmon efikasitetin e sistemit të drejtësisë.

Ky aktgjykim forcon sundimin e ligjit dhe dërgon një mesazh të qartë kundër veprave penale ndaj personave zyrtarë dhe rendit publik.