Një nënë dyshohet se ka braktisur dy vajzat e saj të mitura, njëra 5-vjeçare dhe tjetra vetëm 4 muajshe, duke i lënë të vetme në banesë në rrugën ‘Gjon Serreqi’ në Ferizaj.
Rasti është zbuluar pasi fqinjët janë alarmuar nga të qarat e vazhdueshme të foshnjës, të cilat kanë zgjatur nga ora 07:00 deri rreth orës 10:30 të mëngjesit të së shtunës, më 18 prill të këtij viti.
Policia, në bashkëpunim me zjarrfikësit dhe mbikëqyrësin e objektit, kishte ndërhyrë për hapjen e derës së banesës.
Gjendja shëndetësore e vajzave ka qenë stabile në momentin e gjetjes, megjithatë për vajzën më të madhe janë ngritur dyshime për spektrin autik.
Prokuroria Themelore në Ferizaj ka nisur hetimet ndaj prindërve.
Dy vajzat janë vendosur në një familje strehuese.
