Bedri Hamza shpreh ngushëllime për vdekjen e Eliot Engelit: ‘Mik i veçantë i Kosovës’

Kryetari i PDK-së, Bedri Hamza, ka ngushëlluar për vdekjen e kongresistit Eliot Engel.

Në një postim në Facebook, Engelin e quajti ‘mik të veçantë të Kosovës’. ‘Sonte u nda nga jeta një mik i veçantë i Kosovës, Eliot Engel, i cili qëndroi pranë nesh në kohën kur po shkruhej historia.

Ai ishte zëri i drejtësisë për ne në Shtetet e Bashkuara të Amerikës.

Miqësia dhe kontributi i tij nuk do të harrohen kurrë.’ ‘Ngushëllimet më të sinqerta familjes së tij!

Prehu në paqe, mik i madh,’ shkroi Hamza.

Eliot Engel vdiq të premten, në moshën 79 vjeçare.