Deputeti i PDK-së: Presidenti i Kosovës duhet të zgjidhet përmes marrëveshjes mes pozitës dhe opozitës

Xhavit Haliti, deputeti i PDK-së, ka thënë se zgjedhja e Presidentit të Kosovës duhet të bëhet nëpërmjet një marrëveshjeje midis pozitës dhe opozitës.

Haliti beson se nëse VV është e interesuar për koalicion, mund të diskutojnë emra, ndryshe nuk ka interes për takime vetëm përpara mediave.

Ai gjithashtu ka shprehur bindjen se nëse Kurti nuk është i gatshëm për marrëveshje, vendi mund të shkojë drejt zgjedhjeve të reja, por presidenti duhet të përfaqësojë të gjithë spektrin politik të Kosovës.

Haliti theksoi: ‘Presidenti duhet të dalë nga një tryezë mes pozitës dhe opozitës, për të përfaqësuar krejt spektrin politik të vendit’.