Kryeministri i Shqipërisë, Edi Rama, ka mbledhur ditën e sotme Grupin Parlamentar të Partisë Socialiste, në një takim ku janë diskutuar zhvillimet politike dhe objektivat kryesore të qeverisë në vijim.
Gjatë mbledhjes, Rama u ka përcjellë mesazhe të qarta deputetëve socialistë, duke theksuar se prioritet mbeten përshpejtimi i reformave dhe avancimi i proceseve shtetërore.
Një ndër pikat kryesore të diskutimit ishte integrimi në Bashkimin Evropian, ku Rama kërkoi angazhim maksimal për të çuar përpara reformat dhe për të përmbushur kriteret e kërkuara.
Po ashtu, në fokus ishin edhe zgjedhjet, për të cilat Rama kërkoi mobilizim dhe organizim të strukturave të Partisë Socialiste.
