Organizata e Veteranëve të Luftës së Ushtrisë Çlirimtare të Kosovës ka shprehur mbështetje të plotë për studentët shqiptarë që po protestojnë në Maqedoninë e Veriut, duke e cilësuar çështjen e përdorimit të gjuhës amtare si një të drejtë të panegociueshme.
OVL e UÇK-së ka deklaruar se qëndron vendosmërisht pas kërkesave të studentëve shqiptarë, për mbrojtjen e një të drejte të panegociueshme.
Sipas kësaj organizate, përdorimi i ligjshëm i gjuhës amtare nuk i nënshtrohet kurrë përshtatshmërisë së qeverive.
Sipas OVL të UÇK-së, dhënia e provimit të jurisprudencës në gjuhën amtare përfaqëson detyrimin minimal të autoriteteve maqedonase dhe të aleatëve të tyre politikë shqiptarë.
