Gjatë natës së kaluar, u konstatua erodimi i dheut në aksin Gjilan-Stanqiq dhe bllokim i rrugës në aksin Pejë-Rugovë nga rrëshqitja e gurëve, duke sjellë rrezik për qarkullimin.
Ministria e Infrastrukturës dhe Transportit ka njoftuar se ekipet e mirëmbajtjes kanë reaguar menjëherë për menaxhimin e situatës.
Në aksin Pejë-Rugovë, është evituar rreziku i gurit të madh dhe hapja e një korse, ndërsa segmentet janë të sinjalizuara dhe nën monitorim të vazhdueshëm.
Qarkullimi po zhvillohet me kujdes të shtuar, ndërsa ekipet punojnë intensivisht për rregullimin e situatës.
Ministria e Infrastrukturës dhe Transportit është e përkushtuar për reagime të shpejta dhe sigurinë e segmenteve rrugore.
