Fillon pastrimi i rrugëve në Fushë Kosovë pas vërshimeve të fundit

Në komunën e Fushë Kosovës ka filluar pastrimi i rrugëve dhe trotuareve pas vërshimeve të fundit, proces që pritet të vazhdojë edhe gjatë muajve të verës.

Drejtori i Shërbimeve Publike në këtë komunë, Izja Mjeku, ka bërë të ditur se ekipet komunale kanë filluar punën pas përmirësimit të kushteve atmosferike dhe stabilizimit të situatës pas reshjeve dhe vërshimeve të muajit janar.