Grupi Parlamentar i Lidhjes Demokratike e Kosovës vlerëson se aktgjykimi i Gjykatës Kushtetuese e Kosovës sjell qartësi juridike dhe rikthen procesin në kornizën kushtetuese.
LDK thekson se zgjedhja e Presidentit duhet të zgjidhet përmes një marrëveshjeje politike që siguron unitet institucional dhe balancë demokratike, duke i bërë Lëvizjen Vetëvendosje përgjegjëse për ndërtimin e kësaj marrëveshjeje.
Grupi Parlamentar i LDK-së riafirmon qëndrimin e tij të palëkundur për respektim të plotë të rendit kushtetues, funksionim normal të institucioneve dhe ruajtje të balancës demokratike në vend.
LDK konsideron se çdo veprim politik në këtë fazë duhet të udhëhiqet nga përgjegjësia shtetërore dhe jo nga kalkulimet partiake.
