Kryetari i LDK-së, Lumir Abdixhiku, ka takuar Zëvendësdrejtorin Menaxhues për Evropën Perëndimore në Shërbimin Evropian për Veprim të Jashtëm, Emanuele Giaufret.
Diskutimi u përqendrua në pozicionin e partisë në zhvillimet politike, veçanërisht në zgjedhjen e Presidentit të Republikës së Kosovës.
Abdixhiku theksoi nevojën për një marrëveshje politike për të përfunduar procesin, duke mos e konsideruar zgjidhjen e imponuar si opsion.
Lidhja Demokratike e Kosovës shprehet e përgatitur për zgjedhje të reja, me synimin për të ofruar zgjidhje të qëndrueshme për vendin.
Abdixhiku falënderoi Bashkimin Evropian për mbështetjen, duke e vlerësuar rolin e tyre në forcimin e demokracisë dhe orientimit evropian të Kosovës.
