Në Ditën Ndërkombëtare për Mbrojtjen e të Dhënave Personale, Agjencia për Informim dhe Privatësi (AIP) ka theksuar rëndësinë e respektimit dhe mbrojtjes së të dhënave personale në sistemin edukativo-arsimor.
AIP i ka bërë thirrje institucioneve arsimore që të ruajnë të dhënat personale me përgjegjësi të lartë dhe në përputhje me ligjin, duke respektuar parimet e ligjshmërisë, transparencës dhe sigurisë.
Në epokën digjitale, mbrojtja e të dhënave personale nuk është vetëm obligim ligjor, por edhe detyrim etik për shoqërinë.
AIP ka ftuar të gjithë aktorët në fushën arsimore për të kontribuar në ndërtimin e një kulture të respektimit të privatësisë dhe mbrojtjes së të dhënave personale.
Mbrojtja e të dhënave personale të fëmijëve është kusht për sigurinë dhe privatësinë, e garantuar me ligjet vendore dhe ndërkombëtare.
