Në një nga momentet më të thella emocionale të Big Brother VIP Kosova 4, banorja Sasa Hoda ka ndarë një rrëfim të sinqertë për të kaluarën e saj, duke folur hapur për një lidhje 10-vjeçare që, sipas saj, e ka lënduar dhe e ka shfrytëzuar në të gjitha aspektet.
Gjatë bisedës me banorët, Sasa tregoi se e kishte nisur marrëdhënien shumë e re, në një moshë kur ndjehej e pasigurt dhe e varur emocionalisht.
“Kam qenë tepër e re… ai e ka shfrytëzuar situatën”
Ajo u shpreh:
“Kam qenë dhjetë vite me të dashurin tim edhe kam menduar se kam qenë 21 vjeçare. Kam qenë tepër e re, plus e kam pasur një kompleks gjithë kohën se vetëm ai më do dhe askush tjetër… dhe ai e ka shfrytëzuar situatën.”
Sasa zbuloi se ish-partneri i kishte ushtruar presion emocional, duke e bindur se nuk kishte vlerë pa të, një manipulim që e kishte lënë pa vetëbesim për vite të tëra.
