Ronaldinho po e përgatit një rikthim të veçantë në futbollin aktiv, pasi ka realizuar stërvitjen e tij të parë me skuadrën italiane Ravenna, ku pritet të luajë në një ndeshje të kampionatit të Serie C.
Legjenda braziliane dhe ish-ylli i Barcelonës, tani 46 vjeç, ka dëshmuar se klasi i tij nuk është zhdukur, ndërsa pamjet nga seanca stërvitore kanë tërhequr vëmendjen e shumë ndjekësve në rrjetet sociale.
Ronaldinho iu bashkua Ravenna në qershor si aksionar dhe ambasador i klubit.
Njëkohësisht, ai nënshkroi edhe si futbollist, me mundësinë që të paraqitet në të paktën një ndeshje të Serie C gjatë këtij sezoni.
Tani, braziliani ka zgjedhur edhe sfidën për rikthimin e tij në fushë.
Bëhet fjalë për ndeshjen në shtëpi ndaj Forlit, e cila është planifikuar për të dielën.
Për këtë arsye, Ronaldinho ka udhëtuar drejt Italisë dhe ka zhvilluar një seancë stërvitore me skuadrën, e cila mund të jetë e vetmja para paraqitjes së tij të shumëpritur.
