Autoritetet hungareze njoftuan të premten se kanë zbuluar para të gatshme në vlerë rreth 19,5 milionë dollarë (rreth 17,5 milionë euro) të fshehura, një pjesë e të cilave ishin groposur nën tokë.
Këto gjetje erdhën si rezultat i një hetimi ndaj një ish-ministri që ka shërbyer nën qeverisjen e ish-kryeministrit Viktor Orban.
Zyra Kombëtare për Rikuperimin dhe Mbrojtjen e Pasurive bëri të ditur në një deklaratë se ka zbuluar “shuma të mëdha parash të gatshme, të groposura në pyje, të fshehura në ndërtesa bujqësore, magazina dhe një banesë, si dhe të ruajtura në një kasafortë të vlefshme në një vend të fshehtë”.
