Presidenti amerikan, Donald Trump, ka shprehur dëshirën për ta “zgjidhur çështjen e Kubës” para se të largohet nga posti, duke theksuar se do ta “shqyrtonte patjetër” mundësinë e përdorimit të forcës ushtarake ndaj këtij shteti ishullor.
Në një pyetje rreth autorizimit të një ndërhyrjeje ushtarake përpara përfundimit të mandatit të tij presidencial, Trump u përgjigj: “Dëshiroj ta zgjidh çështjen e Kubës para se të largohem”.
Ai shtoi: “Po e monitorojmë nga afër situatën.
Gjendja e saj është shumë e keqe.
Në thelb, është një shtet i dështuar”.
Gjithashtu, Trump vlerësoi sekretarin amerikan të Shtetit, Marco Rubio, prindërit e të cilit janë nga Kuba, duke theksuar se ai “do të dëshironte shumë ta bënte këtë”.
